الأحداث – ماجدة حسن
قال مو علي فنان الريقي السوداني العالمي إنه يدين للجنة المهن الموسيقية بما وصل اليه من شهرة وانجاز في حياته الفنية.
وقال مو “في نهاية العام 2014 صدر قرار بضرورة حصول أي فنان على بطاقة الاتحاد حتى يستطيع الغناء في الحفلات، وحتى يحصل على بطاقة اتحاد المهن لابد من إجازته بواسطة لجنة إجازة الصوت، وهذه اللجنة تضم كبار الفنانين”، وأضاف مو “هم من يقرروا منح تصريح ممارسة مهنة الغناء أم لا
حتى بتذكر كانو يهاجموا الفنانين والموسيقيين في
حفلاتهم الذين لايحملون
البطاقة لا اعرف ان كان الأمر مستمر ام توقف”.
ويقول “المهم انا قدمت على اساس أحصل على البطاقة وما اتعطل من الحفلات
كنت متطمئن جدا اني حا اتحصل على البطاقة
و جهزت جيتاري وكل الحاجات الطلبوها وقلت بسم الله واتجهت نحو الاتحاد
المهم كانت اللجنة تضم ثمانية من الفنانين الكبار المعروفين في السودان ( ما حابي اذكر اسمائهم احتراما ليهم) المهم ألقيت التحية
وطلبو مني السي دي الاغاني
شغلو دي على اساس يسمع التسجيلات
طبعا اول ما شغلو المزيكة انا كنت في هذه اللحظة بحاول أقرأ الوجوه من تعابيرها
ولو وصفت كيف كان في اللحظة ديك لا بتعرفو مبتسم او حزين حابيك او كارهك
المهم قبل ما يفتحو خشمهم عرفت الفيها
سمعو مجموعة اغاني ووقفو السي دي
وطلبو مني اغني ليهم بالجيتار
غنيت أغاني خاصة
دار بينا حوار طويل وكان بسألو كل فنان اها رايك شنو
قال انا بي صراحة ما فاهم اي شي )
وفي النهاية طلعت من الصالة بكمية من الحزن
لكن الحزن لم يجعلني احبط بالعكس اداني كمية من الايجابية كنت بقول في يوم حيتذكروا انهم حاولوا يوقفو و يعرقلوا زول همو الأول انو يقدم بلدو السودان”
وأردف “بعد ما رفضوني بعدها بأشهر وصلتني الدعوة من الفرقة الهولندية Rootsriders
وتم اختياري المغني الرئيسي للفرقة
لكن المدهش ان نفس الاشخاص
الرفضوني قدموا الى دعوة للحضور
والغناء معهم”.
وقال مو “في النهاية فخور جدا انني لم استسلم”.
